Prava test ilovalari 2026: Oson Prava, Prava UZ, Avto Test PRO va AvtoPilot

«Savollar» ustuni — ilova o'z sahifasida aytgan son. Uni tashqaridan tekshirib bo'lmaydi. «—» — do'kon sahifasida ko'rsatilmagan.

• Baza hajmi. Imtihonda 20 ta savol tushadi, lekin ular kamida 1 000 ta savoldan iborat bazadan olinadi. Ilova bazaning bir qismini bersa, qolgani imtihonda birinchi marta ko'riladi.
• Imtihon rejimi. 20 savol, 25 daqiqa, o'tish uchun 18 ta to'g'ri javob (A1 uchun 16). Aynan shu shartlarda mashq qildiradigan rejim kerak.
• Xatolar qaytadimi. Bir marta xato qilgan savol keyin ham chalg'itadi. Uni qidirib yurmaslik uchun ilova o'zi qaytarishi kerak.
• Til. Imtihon o'zbek yoki rus tilida topshiriladi. Kirill yozuvida o'qiysizmi — ilovada kirill varianti borligini tekshiring.
• Narx va reklama. Jadvalning oxirgi ikki ustuniga qarang: ba'zi bepul ilovalar reklama ko'rsatadi, reklamasizlari pullik tarif yoki xayriya hisobiga ishlaydi.

Oson Prava — Creative People kompaniyasining ilovasi. Google Play'da 2026-yil fevralda chiqqan va allaqachon 500 000+ marta o'rnatilgan, Telegram kanalida 111 ming obunachi. iOS, Android, veb va Telegram mini ilovasida, uchta tilda ishlaydi.

Kuchli tomonlari: saytida aytilishicha, ilovaning «katta qismi bepul va to'liq reklamasiz». Savollarga ovozli izoh (to'liq varianti — pullik tarifda), 42 ta video dars, 1v1 «Oktagon» bellashuvi va oflayn rejim bor, ro'yxatdan o'tmasdan boshlash mumkin.

To'lov ilovaning ichida qabul qilinmaydi: tariflar faqat Telegram mini ilovasi va veb orqali, bir martalik to'lov bilan sotiladi. Ularning ochiq narxlar ro'yxatida eng arzon tarif JENTRA: 1 hafta — 38 000, 1 oy — 88 000, 2 oy — 118 000 so'm. MALIBU va GELIK tariflari 1 oyga 188 000 va 288 000 so'm. Promo-kod bilan narx pastroq bo'lishi mumkin.

AvtoPilot bilan farqi. AvtoPilot'da Premium 1 oy — 39 500, 2 oy — 59 500 so'm, to'lov ilovaning o'zida. Lekin bizda bepul qism kichikroq: 3 kunlik sinovdan keyin kunlik mashq, izohlar va tayyorlik sahifasi faqat Premium'da. Batafsil — Oson Prava narxlari va AvtoPilot bilan farqi.

Prava UZ — Useful apps LLC ilovasi, Google Play'da 100 000+ o'rnatish, App Store'da 2 373 ta baho. Faqat iOS va Android: o'z sayti va brauzer versiyasi yo'q. Bepul, reklama bilan. Do'kon sahifasida 1 200+ test, 10 savollik biletlar, 20 savollik imtihon, mavzular bo'yicha video darslar va jarimalar bo'limi aytilgan.

AvtoPilot reklama ko'rsatmaydi va brauzerda ham ishlaydi — kompyuterda ishlash uchun hech narsa o'rnatish shart emas.

Bu nom bilan ikkita boshqa-boshqa ilova bor. Foydali.comning «Avto Test PRO AI»si iOS, Android va Windows'da, uchta tilda, bepul va reklamasiz ishlaydi; Google Play'da 13 798 ta baho bilan 4,86 reyting. Zaif mavzular rejimi, 20 savollik imtihon, A1 rejimi va jonli bellashuvlar bor.

BahAppsning «AVTO TEST PRO»si — faqat Android, 500 000+ o'rnatish, reklama va ilova ichida xaridlar bilan.

Bepul va reklamasiz ilova kerak bo'lsa, Foydali.com'niki kuchli variant. AvtoPilot'ning yondashuvi boshqacha: u mavzuni emas, aynan siz xato qilgan savolni, uni unutishingizdan oldin qaytaradi.

Emyat — biz ko'rgan ilovalar ichida O'zbekiston App Store'ida eng ko'p baho olgani (5 926 ta). O'zbek va rus tilida, reklama va ilova ichida xaridlar bilan. Ikkala do'kondagi oxirgi yangilanishi — 2025-yil oktabr.

Yodla — Google Play'da 100 000+ o'rnatish, o'zbek va rus tilida, reklamasiz. 1v1 bellashuvlar, AI yordamchi va imtihon simulyatsiyasi bor; pullik qismi bor, narxlari do'kon sahifasida ko'rsatilmagan.

AvtoPilot — bizning ilova. iOS, Android, Telegram va brauzerda, uchta tilda, reklamasiz ishlaydi. Bazada 1 309 savol va 131 bilet, barcha biletlar javoblari bilan saytda ham ochiq.

Yuklab olish bepul, 3 kunlik bepul sinov bor. Keyin kunlik mashq, savol izohlari va tayyorlik sahifasi Premium'da: 14 kun — 19 500, 1 oy — 39 500, 2 oy — 59 500 so'm (Click yoki Payme; iOS'da narx App Store'da ko'rsatiladi).

Xato qilgan savolingiz unutishingizdan oldin qaytadi, tartibga soluvchining ishoralari esa 3D simulyatorda ko'rsatiladi.

Ma'lumotlar 2026-yil 8-oktabrda olingan: App Store (O'zbekiston), Google Play, ilovalarning o'z saytlari va Oson Prava'ning ochiq narxlar ro'yxati. O'rnatishlar soni — Google Play ko'rsatadigan oraliq (masalan, «100 000+»). Xato topsangiz, [email protected] manziliga yozing — tuzatamiz.